გაიცანით ინსტრუქტორი
ირაკლი აფშინაშვილი საოჯახო მედიცინის რეზიდენტი, რომელსაც აქვს მრავალმხრივი გამოცდილება კლინიკურ პრაქტიკაში, კლინიკურ კვლევებსა და სამედიცინო ტექნოლოგიების განვითარებაში.
მისი სამედიცინო კარიერა დაიწყო კარაფს მედლაინის ზოგადი ქირურგიის განყოფილებაში, სადაც პროფესორ მერაბ კილაძის ხელმძღვანელობით ქირურგიულ ოპერაციებში მონაწილეობდა. მოგვიანებით, გადაუდებელ მედიცინაში მნიშვნელოვანი გამოცდილება მიიღო არქიმედეს კლინიკასა და გადაუდებელი დახმარების ცენტრში 112-ში, სადაც დახვეწა ტრიჟის, დიაგნოსტიკისა და მწვავე პათოლოგიების მართვის უნარები.
COVID-19 პანდემიის პერიოდში მუშაობდა კოვიდ სასტუმროებსა და საკარანტინე ზონებში. მუშაობდა სადაზღვევო კომპანია "არდი"-ში, როგორც ექიმის ასისტენტი და უმცროსი ექიმი.
2024 წლის აპრილიდან ირაკლი აფშინაშვილი მუშაობს კლინიკური კვლევის კოორდინატორად, მონაწილეობს კლინიკურ ცდებში და სამეცნიერო კვლევებში. იგი ასევე ჩართულია სამედიცინო განათლებაში და ასრულებს OSCE გამოცდების დამკვირვებლისა და შემფასებლის როლს GAU უნივერსიტეტის კლინიკური უნარების დეპარტამენტში.
ჯანმრთელობის ხარისხის გაუმჯობესების კუთხით, 2023 წლიდან თანამშრომლობს Accreditation Canada-სთან, როგორც ადგილობრივი მრჩეველი. ეხმარება საავადმყოფოებს აკრედიტაციისთვის მზადებაში და ახორციელებს თარგმნით და საკონსულტაციო საქმიანობას. 2025 წელის მარტიდა არის Accreditation Canada Surveyor.
2022 წლიდან მუშაობს ხელოვნურ ინტელექტზე დაფუძნებულ აპლიკაციაზე, რომელიც აწარმოებს არტერიული წნევის მონიტორინგს, სთავაზობს პაციენტებს ინდივიდუალურ რეკომენდაციებს და აუმჯობესებს ექიმთან კომუნიკაციას. მისი საქმიანობა მოიცავს მონაცემთა დამუშავებასა და AI სისტემებისთვის მონაცემთა ბაზების შექმნას.
